www.geofaces.org

ა  ბ  გ  დ  ე  ვ  ზ  თ  ი  კ  ლ  მ  ნ  ო  პ  ჟ  რ  ს  ტ  უ  ფ  ქ  ღ  ყ  შ  ჩ  ც  ძ  წ  ჭ  ხ  ჯ  ჰ

ქართველ გოგონას ტორონტოში 5 დღეა პოლიცია უშედეგოდ ეძებს

მარიამ მახნიაშვილის ძებნის ოპერაცია პოლიციამ სირთულით უკვე მესამე, ყველაზე მაღალ პრიორიტეტულ დონეზე გადაიყვანა. 17 წლის თინეიჯერი ორშაბათს ტორონტოში სკოლის შესასვლელიდან გაუჩინარდა და მის კვალს დღემდე ეძებენ. იგი შენობასთან თავის ძმა გიორგისთან ერთად მივიდა, რომელიც კართან დატოვა და უთხრა, რომ სხვა მხიდან შევიდოდა. სკოლა არ არის არჭურვილი ვიდეოთვალით და პოლიციას მომხდარის გარკვევა უჭირს.

მარიამს თან არ ჰქონდა მობილური, ფული და პასპორტი. იგი კანადაში საცხოვრებლად სამი თვის წინ გადავიდა, სადაც მას მშობლები ელოდნენ. მას ტორონტოში არ ჰყავს მეგობრები და სხვა ნათესავები.

პოლიცია განსაკუთრებული ძალებით ძებნას ორშაბათამდე გააგრძელებს. თუ თინეიჯერის კვალს მანამდე ვერ მიაგნეს, შესაძლოა, ძალისხმევა შეამცირონ.

გოგონას რაიმე ნიშნის აღმოსაჩენად, სკოლიდან 4 კილომეტრის რადიუსზე მაცხოვრებლებს პოლიციამ საკუთარი საცხოვრებლების შემოწმება სთხოვა. ამაში შედის ავტომობილის სადგომები და სხვა სათავსოებიც. პარალელურად, ძალოვანი სტრუქტურები მოხალისეებთან ერთად ძებნას განაგრძობენ.  იჩხრიკება გასასვლელები, ეზოები და სარდაფები. ახლომდებარე სახლის მეთვალყურემ პოლიციას ვიდეოთვალის გადაღებული მასალა გადასცა.

მარიამის მშობლები ბოლო ხუთი წელი ლოს-ანჟელესში ცხოვრობდნენ და ტორონტოში საცხოვრებლად შარშან მაისში გადავიდნენ. სწორედ აქ ჩამოიყვანეს მათ შვილები, რომლებიც მანამდე საქართველოში ბებიასა და ბაბუასთან ერთად იზრდებოდნენ. მშობლებმა ბრიფინგისას განაცხადეს, რომ მარიამი ახალი სიტუაციის გამო უკმაყოფილებას არ გამოხატავდა და იგი მორცხვი და მშვიდი გოგონაა.

თინეიჯერის მამამ, ვახტანგმა მას ”სრულყოფილი შვილი და სრულყოფილი მოსწავლე” უწოდა.

პოლიცია სთხოვს ყველას, რაიმე ინფორმაციის შემთხვევაში, აუცლებლად დარეკონ სპეციალურ ნომრებზე.

09.19.2009